Opnuuj code geel in Limbörg vanwaege zjwaor windjsjtote

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Dit artikel is gesjreve in 't AGL.

Nao de sjtorm Eunice is 'ne nuje sjtorm op kóms: sjtorm Franklin geit opnuuj zörge veur zjwaor windjsjtote. Daodoor geld in Limbörg zóndigaovend en maondigmiddig opnuuj code gael.

Ouch veur bauw de res van 't landj is die waarsjuwingscode van krach. Code gael beteikent det luuj alert mótte zeen, ómdet 't 'n kans geuf op gevierlik waer. Inne westelike kösprovincies is code oranje van krach.

Volges 't KNMI geit 't zóndig inne loup vannen daag hel wèjje. De ierste piek ligk aan 't begin van zóndigaovend mit windjsjtote in Limbörg van 75 bis 90 killemeter per oer. Later daen aovend kin det zelfs nog oploupe nao 100 killemaeter per oer. Meteo Limbörg meld det naeve windj ouch kans is op hevige raege, nate sjnie en ónweer. Code gael geld ónnog veur maondig tösje 11:00 oer en 17:00 oer.

Inne kösgebede geit 't dinkelik nog helder wèjje mit windjsjtote van 120 killemeter per oer. Volges 't KNMI kin in die contreie daodoor weer plaatselik sja óntsjtaon. In Limbörg geld vanwaege de windj tösje zóndigaovend 20:00 oer en maondigmörge 04:00 oer code gael. 't KNMI waarsjuwt luuj die de waeg op mótte op te lètte in 't verkier.

De sjtorm Franklin is d'n derde sjtorm in ein waek tied dae euver Limbörg zal trèkke. Aafgeloupe goonsdig heel de sjtorm Dudley hoes in ós provincie. Vriedigs waor det sjtorm Eunice. Veural dae lètste sjtorm haet inne kösprovincies väöl sja veroerzaak. Inne ómgaeving van Amsterdam en inne provincie Groninge zint inkel luuj ómgekómme. In Limbörg raakde geine gewóndj. De meiste sjamèldinge kaome oet 't noorde van ós provincie.

Brónne[bewirk | brón bewèrke]

Dit artikel besleit aad nuujs en maak deil oet van oos arsjief van nuujsberichte.