Opkóms taenge meningitis hoeag in Limbörg

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Stiefheid vanne nak is e symptoeam van meningitis.

MOFERT - 15 fibberwarie 2019 - In gans Limbörg waas d'n opkóms veure baksillaasje taenge meningitis hoger es 't lenjelik gemiddeldj. Èntigers vanne laeftied van dertieën of veertieën jaor komen in aanmirking veure zoea-geneumdje meningokokkeprik. 't Gezóndjheidsgebied Naord-Limbörg laag mit 91% oppe op ein nao hoogste plaats; allein Drente laag mit 92% get hoger. Aevel laag ouch Zuud-Limbörg mit 88% baoven 't lenjelik gemiddeldje van 86,5%. De opkóms waas 't leegsten in Zieëlandj mit 72%, wo e groeat deil vanne bevölking zich neet luuetj baksillere veur geluifsraejene, mer ouch Amsterdam laag bès wied ónger 't lenjelik gemiddeldje mit 77%.

't Rieksinstituut veur Vouksgezóndjheid en Miljeu haet lèts 'n kampanj opgezatj veur jóngere te doon baksillere. 't Betröf hiebie jóngere gebaoren inne periood van 2001 toet en mit 2005; d'n oproop veur dit jaor waas veur jóngere van dertieën of veertieën jaor.

De meningitisbakteerje zitj sómtieds inne móndj of inne kael. Me hoof neet drek krank d'rvan te waere, meh wen de bakteerje zich isteltj in 't blood of in 't zieënstèlsel zal me det rasj mirke. Ieës kump namelik e deil versjiensele wodoor 't liek det me de snoep haet, waat d'rveur zörg det me de gekrenkdje döks neet oppertied tegooj aanwies. Oetèntelik krieg me nakkramp. Wen de gekrenkdje neet adequaat wuuertj behanjeldj kan 't leie toet doufheid, epilepsie en kognitief perbleme. 't Gekrenkdje is doeajelik.

De bakteerje van 't tuup meningokokke W veroearzaak herrevleesóntstaeking en bloodvergifting. 't Aafgeloupe jaor allein woorte 103 krank d'raan; 22 zeen 's dao-ónger gehieëmeldj.

Brónne[bewirk | brón bewèrke]



Dit artikel besleit aad nuujs.