Oetsläöndje brandj verinneweert twieë daker in Gelaen

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 17 mei 2022 - Deesdigtemorge zeen twieë weuninge zwaor besjadig door 'nen oetsläöndje brandj. De brandj zorgdje ouch daoveur det versjeie buurtbewoonders evakkeweerd móste waere. De meljing vanne brandj ane Opbraakstraot koom róndj 5:00 oere aan bie de brandjwaer. Toe hanjeldje 't zich nag euver 'ne brandj in ein inkel weuning.

Wie eimel de brandjwaer mit innige blösveurtuger aankoom oppe plaats bleek 't vuur zich al oetsläöndje versprèdj te höbbe nao 'n anger weuning. De bewoonders haet me doe oete weuninge gehaoldj; det waas insloetendje e deil hoezer inne ómgaeving, die m'n oet veurzörg óntruumdje. Alle evakkeweerdje luuj kósten op 'n anger plaats opgevange waere. Bie de brandj is geine verlets wore.

't Waardje de brandjwaer 'n oer veure brandj ónger behieërsing te kriege. Wie 't prónt kós det 't vuur óntstange waas, blief veur noe nag ónbekandj. De daker vanne weuningen höbbe zich duchtig get sjaaj opgedaon. Die van de graasj zeen nag waal volstenjig verinneweerd.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.