Nuje pils "Kordaat" vèltj óntegooj in Remunj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 25 oktoeaber 2018 - E nuuj luukspilske vanne supermertkitting de Lidl is in Remunj ramverkieërdj gevalle. Saer 2016 besteit namelik in die stad 'n beerbroewerie mitte naam Kordaat. Dees haet aevel nieks te doon mit 't nuuj beer vanne baeterekoupsupermert det die dees waek oetbrach óngere zelvendje naam Kordaat.
De beerbroewer Milan begós zien broewerie veur twieë jaor trögk. Es 'ne veurmaolige milletaer koos t'r de naam Kordaat. In daen tied haw d'r zich veurgeslage de broewerie koenneet te broeke veur beer te broewe, mer ouch veur 'n plaats te höbbe wo traumatiseerdje vitteranen ane slaag zówwe kónne rake.
De plannen hieveur verzwónje nao d'n achtergróndj doe Milan örges anges wirkes haw, meh de broewerie van 'm besteit ummer nag. Veur dem kwaam 't denouch es 'n euverrasjing wie de Lidl 't aafgeloupe waekènj in einen 'n groeate kampanj haet begós veur kratte pils vanne zelvendje naam.
Aldus Milan hej d'n Duutsje gigant gei kóntak mit 'm opgenómmen euvere naam. Veur dem is dae naam 'm leef en daoveur wiltj t'r dem denouch zelf behaje. Hae guuef aan aop te staon veur e gespraek. De belangbehertiger veur klein beerbroewers, Craft, haet al geweiten 'm bie te wille staon daobie.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.