Nuje bisjop van Remunj is ingewiedj wore
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 8 dieëtsember 2018 - Mgr. Harrie Smeets (58) is saoterdigs ingewiedj wore toette veerentwintjigste bisjop van Remunj. Ónger groeate belangstèlling haw 'n biezunjer viering plaats inne Sint-Kristoffelkattedraol in Remunj. De wiejing beurdje óngere Rotterdamse bisjop Hans van den Hende, same mitten hölpbisjop Everard de Jong ennen aad-bisjop Frans Wierts, dae 't veurig jaor zien aafsjied haw.
Bieje inwiejing woort symbolisch de handj op Smeets ziene kop gelag, wie de lieërlinge van Jezus det ouch dieëje bie häör opvolgers. Daonao is t'r gezalf wore mit gewiedjen aolje en kreeg t'r de rink, de mieter enne staaf oetgereik.
Bieje wiejing woren ónger anger de goevernäör, börgermeisters enne bisjöp van Muunster, Aoke, Hasselt, Luuk en Brössel dao; aevenes de twieë Limbörgse abte, de trappisten oppe Lilbós enne benediktienen óm Mamelis. Ouch Aldo Cavalli, de pauselike nuntius waas dao.
Veure wiejing tróch 'n klóch Limbörgse sjötters, broorssjappe, mèsdeners en geiselike vanoet 't kentoear van 't bisdóm ane Zjwamerstraot nao de kattedraol. Nao de wiejing heel de nuje bisjop zien recepsje inne Oranjerie.
De beneuming van Smeets wuuertj es positief bevónje. Smeets hèltj zich mit ane vernujendje lien vanne paus en steit te book es midden inne kirk enne werreld.
Brónne
[bewirk | brón bewèrke]- Harrie Smeets gewijd tot bisschop van Roermond. 1Limburg, 8 dieëtsember 2018
- Wijdingsplechtigheid mgr. Harrie Smeets in Sint-Christoffelkathedraal in Roermond. De Limburger, 8 dieëtsember 2018
Dit artikel besleit aad nuujs en maak deil oet van oos arsjief van nuujsberichte.