Noeaddamme mótte Maersje druueghaje

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 26 september 2018 - 't Watersjap Limbörg is dizgoonsdigs begós anen aanlag van 'nen tiejelike gróndjdam. Det beurtj bie 't gehöch Waterval ónger Maersje. 't Ènj is det wuuertj verkómme det bie hoosraenger oppernuuj 't dörp ónger water löp. d'n Aafgeloupe mei óntsting namelik watereuverlas op versjillige plaatsen in Maersje wie 't extreem hel raengerdje; ónger anger 't centrum van 't dörp leep ónger water. Daoveur waere noe veer noeaddammen oet aerd opgeworpen inne gemèndje, die 'n uterste huuegdje van óngerhalve maeter höbbe. Dees noeaddamme waere mit graas ingezejdj. Boetedet wörp me nag 'nen dam op bestäöndje oet groeate zek.

Wie verwachs gaon de noeaddamme nag twieë jaor zólle blieve staon; daonao zóllen in en róntjelóm Maersje diffenitieve maotregele zeen getroffe wore. Dees maotregele zóllen oetèntelik zoea 90.000 kubische maeter aan water mótten haje. De noeaddam daen me bie Waterval lègk guuef d'n aanzat vanne ieëste 10.000 kubische maeter aan water. Det me noe al kan aanvange mit 't werk kump doordet de gróndj eige behieërdje gróndj is, wodoor me gein ónteigeningsproceduurs hoof op te zètte, die väöl tied ewegnumme.

De meining vanne gróndjdam is det 't euversjöttig water in étaps wuuertj eweggestruimp de plaatselike Watervalderbaek in. Dees baek struimp inne richting van Maersje. Waat hiebie waal mót waere gezag, enne gemèndje en 't watersjap ouch bestaetige, is det de nuuj damme alein meh deils zólle kónnen helpe veure watereuverlas.

De betróchte wirke nej same mit netuurbehieërders enne boere dao veur 't alt tewaeg te kónne bringe. Mit zeuk de gemèndje aandechtelik nao mieë meugelikheje veur greun, went greun zörg daoveur det 't water mekkeliker eweg kan kómme.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.