News International beed £3 miljoen veur aafloesterpraktijke aan femielje van vermaorde
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
maondig, augustus 22, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
De femielje van de óm 't laeve gebrachdje dèrtieën-jäörige Milly Dowler oet 't Vereinig Keuninkrik, van waem de tillefoon gehack waar en aafgeloesterdj woort door journaliste van News of the World, haet £3 miljoen ter compensatie aangebaoje gekrege door News International van Rupert Murdoch.
De Ingelse gezèt The Guardian ónthöldje de tillefoonkraak al ieërder dit jaor. Naodet Dowler in 2002 es vermis ópgegaeve waar, woorte häör voicemailberichte aafgeloesterdj en inkele woorte gewis, óm de impressie te gaeve det 't nag steeds zów laeve.
De £3 miljoen die aangebaoje waere zów veur £1 miljoen ópgaon nao 't good doel. De res zów drek nao de femielje gaon. The Guardian vermèldj det Dowler zien advocaote óm róndje ₤3,5 million gevraog hadde.
News International maakdje bekindj det ze "in wiedgevórderdje óngerhanje" zaten en "haopdje óm de discussie zo snel meugelik te sloete."
Rupert Murdoch óntmoodje de Dowler-femielje ieëder dit jaor persuuenlik óm zien spiet te betuginge van zien acties van zien gezèt, News of the World. Dees gezèt stopdje al ieëder mit 't oetgebrach waere nao 't óntdèkke van 't hacke vanne tillefoon van Dowler en anger, vergeliekbaar incidente.
Brónne
[bewirk | brón bewèrke]- Afp, ap. "Murdoch 'to pay Dowler family 4.5 m'" — The Australian, September 20, 2011
- Tom Pettifor. "Rupert Murdoch's News International offers £3m to Milly Dowler family for phone hacking shame" — Daily Record (Scotland), September 20, 2011
- Dan Sabbagh. "News International offers Milly Dowler's family £3m settlement" — The Guardian, September 19, 2011
Dit artikel besleit aad nuujs en maak deil oet van oos arsjief van nuujsberichte.