Netuurherstèl oppe Mienwaeg nao brandj wuuert opgezatj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 19 augustus 2020 - M'n is oppe Mienwaeg begós mit 't herstèlle vanne bós dae dore groeate brandj in april verlaore gegangen is. Det duit me dore verbrandje spangebuim vanaaf dees waek te gaon rume. In 'ne gewuuenen toestandj kónne dees zich waal herkriege, meh dore druuegdje mitte hoeag temperature vanne aafgeloupe waeke kómme die noe nimmieë daobaovenop. De twieë grótste gróndjeigenieëre vanne Mienwaeg, Staotsbósbehieër enne gemèndje Roerdale, gaon noe same de bós trögkboewe.
De netuurbrandj in april haet zón 200 hektaar verinneweerd. Dit waas veur e deil bós, meh de sjaaj waas meis groeat oppe hei. Dao waas meh zoea 15 hektaar bós volstenjig verbrandj. Me geit noe kieke veure baomlaog aop te make. De verbrandj spangebuim höbbe namelik häör naolje laote valle, wodoor e diek pak oppe baom ligk. Door dees naoljen op e deil plaatsen eweg te haole, höbbe de baomzäöj aom veur te óntkenen en op te wasse. In e deil vanne bós geit me boetedet jóng buimkes aanpaote.
De nuuj buimkes mótten in 't naojaor gepaotj waere. Hiebie wiltj me de verbrandje buim bespare worin ónger anger roufvogelèster en èster van spechte zitte. Ouch wiltj m'n èster van aomezeike, haolder en zeldjzaam plantje veur zowied meugelik mit rös laote.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.