Nederlandj boete Limbörg en Zieëlandj e risicogebied in Duutsjlandj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 3 oktoeaber 2020 - E good deil van Nederlandj is in Duutsjlandj aangemirk woren es e risicogebied dore corona. Dit hèltj 'ne negatieve reisraod in veur alle pervinsjes, boete Limbörg en Zieëlandj. Dit steit vermaldj oppe internetpagina van 't Robert-Kochinstituut.
Ieëren al dizwaek wore de pervinsjes Zuud- en Naord-Hollandj mit Utrech ol es e risicogebied bestempeldj. Dao haet me noe dus Flevolandj, Naord-Braobantj, Gelderlandj, Euveriesel, Drenthe, Greuningen en Frieslandj biegezatj. Wen 'ne reizendje trögkkump oet ein van dees pervinsjes mót t'r zich in Duutsjlandj mit laoten oetzeuken of t'r gènne corona opgeloupen haet. Hiebie haop de Duutsje euverheid verkansjegengers aaf te sjrikke nao dees gebiede te gaon.
De waring is nanneet van krach veur Limbörg, mer 't is hieël de vraog of nag Duutsje toeriste nao Limbörg kómme noe de anger pervinsjes op roead staon. Ouch is vanoet Vinlo en Remunj al 'nen oetdrökkeliken oproop ane Duutsjers veur neet te kómme veur einen daag te winkele.
De oetbreijing vanne roeaj zaon in Nederlandj steit neet op zich; ouch Sjotlandj en deil van Ingelandj zeen nao roead gegange; angestróm zeen in Oeasteriek juus twieë gebiede trögk nao veilig gezatj.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.