Nasjenaal Museum van Braziel gooddeils aafgebrend
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
- Dit artikel sjteit gesjreve in 't AGL
4 september 2018 - De afgeloupe nach is door 'ne groete brandj 't Braziliaans nasjenaal museum in 't naorde van de huidsjtad Rio de Janeiro ernstig besjajig. Veur zowied bekènd zeen daobiej gein gewónje gevalle. Van de mier es 20 miljoen objèkte tèllende kolleksie is aevel weinig mier euver.
De brandj óntsjting door 'ne nog ónbekènden oearzaak róndj 19:30 oere, lokalen tied; 't museum waas toen al gesjlaote. Taenge middernach waas de brandj ónger kentról, door d'n inzèt van 80 brandjwaermen. 't Blösje kwaam meujzaam op gank, ómdet de twie kortsbiezeende waterpuntje neet functioneerde. 't Blösjwater mós vanoet e maer in de buurt waere verveurd. Mit behölp van museummitwèrkers lökde 't nog waal óm inkele objèkte oet 't brennend geboew te redde.
't Museum, opgerich in 1818 en gevestig in 't veurmaolig keizerlik palies, gólj es 't belankriekste weitesjappelik instituut van Braziel. 't Behierde 'n aanzeenlike natuurhistorische en historische kolleksie, de groetste van Zuud-Amerika. 't Geit den beveurbild óm objèkte oet de Brazilische gesjiedenis, wie skelètte van luuj en dinosauriërs, fossiele en minerale. Ouch waerde d'r allerlei museumsjtökker oet de Egyptische, Griekse en Romeinse audheid bewaard.
De Brazilische prizzendènt Michel Temer sjprook van ''nen troerigen daag veur alle Braziliërs'. Ónger angere vice-museumdirektäör Luiz Fernando Dias Duarte wees d'rop det 't museum te weinig (financiële) sjtäön zouw höbbe óntvange. Hiejdoor sjient 't geboew sjlech te zeen óngerhawwe en wore neet zat brandjwaerende maotregele genómme.
Brónne
[bewirk | brón bewèrke]- Belangrijkste museum Brazilië door brand verwoest. NOS, 3 september 2018
- "Cultural tragedy": Massive inferno engulfs 200-year-old museum in Brazil. CBS/AP, 2 september 2018
- Fire Engulfs a Brazilian Museum, Threatening Hundreds of Years of History. Ernesto Londoño en Shasta Darlington - New York Times, 2 september 2018
- What Artifacts Were in the National Museum of Brazil? Daniel Victor - New York Times, 3 september 2018
- Bendegó: el meteorito que resistió las llamas del incendio del Museo Nacional de Brasil. César Vega Martínez - biobiochile.cl, 3 september 2018
Dit artikel besleit aad nuujs en maak deil oet van oos arsjief van nuujsberichte.