Nag ummer euverlas door netuurbrandj Mariapieël

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 7 mieërt 2018 - In Griendtsveen en Helenaveen is nag ummer stank- en roukeuverlas vanne nag ummer smeulendje veenbrandj, kort euver de pervinsjegrens inne Deurzer Pieël.

Aldusse brandjwaer Limbörg Naord zal 't nag e paar daag doere ieër de euverlas verbie is.

De brandj in netuurgebied 't Zinkske, tösse Helenaveen en Naerkantj, braak veurige waek stónderdigs oet. 't Gebied is óntoegenkelik veur brandjwaerveurtuug; de brandj mót nao verloup van tied door raenger en e gebraek aan brandjstof van zich allein oet gaon douve.

De brandj in 't Zinkske waas d'n twieëdje brandj in e paar daag tied. Op 27 fibberwarie braak e paar kilomaeter wiejer ouch 'ne netuurbrandj oet dae det intössen oet is.