NVWA lieëtj mieër es 'n half miljoen nertse rume veur corona

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

---

MOFERT - 13 junie 2020 - Ónger toezich vanne Nederlandjse Aetes- en Waarautoriteit (NVWA) zeen de vurge waek ruum 571.000 nertse geruump op ómme gans mieër es dertieën fokkeriejen in 't oeaste van Naord-Braobantj en 't naorde van Limbörg. 't Hanjeltj zich óm fokkeriejen inne gemèndje Milheeze, De Mortel, Beek en Donk, Deurze, Landhorst, Gemert en Volkel, es ouch de plaatse Kassele, IJselstein en Genp.

De ruming wuuert oetgeveurd ómdet e deil nertsen op fokkeriejen ieëre besmetj bleke te zeen mit 't coronavirus. Óngerwiel is gebleke det 't virus van nertsen op miense kan waeren euvergedrage, doordet mindestes twieë mitwirkers van fokkeriejen ouch krank zeen gewore. 't Kabbenèt haet de vurge waek beslaot det toet ruming van besmetdje bedriever mót waere gekómme.

De ruming gebeurt door vergasing mit kaolendamp en wuuert gedaon dore mitwirkers vanne bedriever zelf, ónger kóntraol vanne NVWA. Óngere kepotgemaakdje bieëster zeen hieël väöl jónge (zoea 480.000), ómdet väöl vanne nertse juus jónge gadj hawwe.

Bieësteraktiviste van Animal Rights en Bont voor Dieren hawwe de vurge waek nag e kort gedink aangespanne taenge de ruming, meh de richter stalj häör in 't óngeliek.

Brónne

• Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
  • Ruim 571.000 nertsen geruimd op 13 fokkerijen. de Volkskrant, 12 junie 2020
  • Met coronavirus besmette nertsen in Castenray geruimd. Frits van Otterdijk - 1Limburg, 12 junie 2020
  • Rechter staat ruiming nertsenfokkerijen toe. Frits van Otterdijk - 1Limburg, 5 juni 2020

---

Dit artikel besleit aad nuujs en maak deil oet van oos arsjief van nuujsberichte.