Moterkloeb Hells Angels Holland verboane
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
Heële - De rechbank in Utrech hat bepoald dat moterkloeb Hells Angels al zieng activitete mót sjtake en weëd verboane. 't Oapebaar Ministerie houw doarum gevroag, weil doa sjprake is van 'ne geweldskultoer binne d'r kloeb deë de sameleëving en d'r rechssjtaat i gevoar bringk. D'r rechter geet doarin mit. In anger leng, woarónger Dütsjlank, zint waal lokaal chaptere verboane, mar neet d'r ganse kloeb. I Nederlank zint noa sjatting 400 Hells Angels.
Justiets houw betoag dat de Hells Angels (seër hun óprichting) fieëtig joare lank 'ne gewapende sjtried veurt mit anger moterkloebs. Sommige doava zieng óp vuursjproak van 't OM al ieëder verboane durch de rechbank, wie Satudarah en Bandidos. Bei d'r letste is dat totaalverbod uëveriges in hoeëger beróp dils trükgedrieënd.
De verdediging houw aageveurd dat d'r kloeb neet verboane kin weëde, weil doa geë sjprake zouw zieë va centraal aasjturing; de zoeëgeneumde chaptere zouwe zelfsjtendig vanee operere. Volges d'r rechter is dat evvel gaar neet 't geval. Heë ach beweëze dat doa sjprake is va nationaal en internationaal aasjturing.
De rechbank ach aagetoeënd dat de Hells Angels es verein e gevoar bilde vuur de oapenbaar orde. De leje zieë zich es outlaws die boete de wet sjtónt. Leje mage óch neet in deens zieng, of zieng geweës, van de uëverheed. Durch intimidatie durve sjlachoffers van de Hells Angels ging aagifte te doeë en getuge durve neet te sjpreëke, of alling anoniem, zag d'r rechter.
In 't vonnis weëd óch doaróp geweëze dat leje sjpeciaal patches óp hun kleier en oerkondes kriege went zie geweld hant gebroek. Hells Angels MC accepteert óch dat zieng leje misdade begónt, zag d'r rechter.
't OM houw in 't proces 'n aantal vuurbilder genumd va geweldsincidente die de sameleëving raakde. 't Góng ónger mieë um 'n massaal vechpartei tussje de Hells Angels en moterkloeb de Mongols in e Van der Valk-hotel i Rotterdam, in april 2016. Doabei woeëd óch gesjoate.
Wieër woeëd 't i brank sjteëke van e kafee i Kirkroa genumd, in meëts 2015. 't Geet hei um 't sjtamkafee van de Bandidos. De woeëning boave 't kafee brank völlig oet, mer 't gezin mit kinger kós via 't daak vluchte.
Minister Grapperhaus numt d'r oetsjproak 'n beloeëning vuur 't hadde wirk van 't OM en de pliese óp dit punt. Wieër wil heë neet te vöal hei-uëver zage, óch weil e hoeëger beróp meugelig is.
Advocaat Geert-Jan Knoops, deë de Hells Angels verteëgewoadig, zeët dat de moterkloeb in hoeëger beróp geet.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.