Mortier vónjen óngere stoep in Lóm

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

MOFERT - 24 fibberwarie 2019 - Zaoterdigs smiddigs haw 'ne beweuner nao wirkzaamhejen ane stoep bie dem veur in Lóm e broen dink vónje det oete zandj stook. Wen d'r dao-aan mitte voot tikdje, roldje d'r óm worop t'r drek de pliesse beldje. Waat bleek waas det 't 'ne mortiergranaat oeten Twieëdje Werreldkrieg waas. De Explosievenoprumingsdeens (EOD) kwaam rasj aan en kós neet vasstèlle wie gevieërlik 't dink waas, doordet 't hieël erg verrós waas. 't Dink laag zoea twieë maeter van 't hoes aaf, vief maeter vanne Riekswaeg en zoea dertig maeter van 'nen tankstaasje. Juus daoveur mós de EOD hieël snel dao aankómme.

Binne vief menuut det de EOD in Lóm waas vertróchte zie al-e mitte mortier. Juus get veur 19.00 oere hawwe zie 't kónterleerdj en oppe Groeate Hei toet ómploeffing gebrach.

Aldusse beweuner waas de granaat aangeveurdj wore mit 'n partie zandj. Zie hawwe namelik bieje stoepwirkzaamheje dao de gróndj toet 'nen halve maeter aafgegraven en nuuj zandj d'ropgelag.

Brónne[bewirk | brón bewèrke]

Mortier onder stoep Lomm: 'Ik ga er niet op liggen'. Guus Benders - 1limburg, 24 fibberwarie 2019

Dit artikel besleit aad nuujs en maak deil oet van oos arsjief van nuujsberichte.