Mobilis verluus mach euver stuur en maak sjaaj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 julie 2021 - Dinsdigtemiddig haet 'ne sjefuuer de mach euver 't stuur verlaore van ziene wage. Det speeldje zich aaf in Remunj. Bie 't óngelök lepen 'ne luchtepaol en 'ne parkeerdje wage sjaaj op. Geine woort verlets daobie.
't Veurval haw plaats róndj 15:05 oere oppe Oranjelaan. De wage voor mit 'n duchtige vaart, worop de sjefuur nao 'n flaw boch gèn kóntrol mieër haw dao-euver. Daodoor voor d'r taengen 'ne luchtepaol op, worop de wage door 'n hègkske de parking van 't Laurentius ('t krankegestich) op koom. Dao aangekómme koom de wage toet stilstandj taengen e parkeerd bestèlböske, wo geinen in zoot.
Allebei de wages höbbe väöl sjaaj en veural van daen vanne mobilis is min euver gebleve. Die mósten allebei aafgeslèp waere. De sjefuuer zów höbbe toegegaeve det t'r te hel gevaren haw.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.