Minister van Zimbabwe waorsjoewt de media
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
zaoterdig, september 17, 2011
Trök nao de veurpagina
spelling: Hoeaglèmbörgsj - Durchzettingssp. - Internasjonalspelling
De minister van media, informatie en publiciteit oet Zimbabwe, Webster Shamu, wardje mediaorganisaties det häör licenties waal 'ns ingetróg kóste waeren es ze die misbroekdje óm Zimbabwe en de leider d'rvan, president Robert Mugabe, "in e kwaod daagleech te stèlle".
De warring volg vermèljige inne media die sjienber de aje president van Zimbabwe, Robert Mugabe, aanvalle. Shamu bewaerdje det sommige non-governmentele mediaorganisaties häör medialicenties misbroekdje óm Mugabe te kleinere en det dit misbroek toenoom óm de kómmendje verkezinge te beïnvleuje.
Shamu tróg parallelle mit 't Brits en Amerikaans mediabeleid en zag det 't Vereinig Keuningkriek väöl slèchte mediawètte kindj det zónger klage geaccepteerdj zeen. Hae góng door mit zowaal de Vereinigdje Staote es Brittanieë es hypocriet te bestèmpele en hae bewaerdje det ze "inkele vanne draconistischste mediawètte die 't óppe welt guuef höbbe, die zieër èrnstig mediavrieheid aafknèlle ónger 't motto van nationaleveiligheidsbesjörming."
Raphael Khumalo, 't houf vanne oetveurendje officere vanne Alpha Media Holdings, de oetgaever van Newsday enne waekelikse Independent en Standard gezètter, woort vermèldj inne "Voice of America" en zów gezag höbbe det dit bedrief allein warringe van Shamu serieus nömp es t'r die formeel zów benaodere. Veurzètter Njabulo Ncube, van 't Zimbabwaans houfstök van 't Mediainstituut van Zudelik Afrika, zag de VOA det alle mediaorganisaties in Zimbabwe zich aan de zèlfdje regels mótte haje, zowaal ónaafhenkelike en staatgecontroleerdje.
De warringe van Shamu kómme nao e verhaol óp Wikileaks. Det ónthöldje sjienber gesprèkke tösse Amerikaanse diplomate en Zimbabwane die kórtbie Mugabe zówwe staon.
Brónne[bewirk | brón bewèrke]
- Kitsepile Nyathi (Daily Nation). "Govt in Licence Threats to Media" — allAfrica.com, September 13, 2011
- "Zimbabwe threatens to shut down newspapers over Wikileaks" — The Christian Science Monitor, September 13, 2011
- "Zimbabwean Information Minister Threatens to Revoke Independent Media Licenses" — Voice of America, September 13, 2011
- The Herald (Zimbabwe). "Shamu Warns Media Organisations" — allAfrica.com, September 13, 2011
Dit artikel besleit aad nuujs en maak deil oet van oos arsjief van nuujsberichte.