Milletaere staotsgreep Amhara mislök

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 3 julie 2019 - In Bahir Dar, de houfstad van Amhara, 'ne regio in 't naordwèste van Ethiopië, is saoterdis 22 junie 'ne mislökdje staotsgreep geplach. Daobie zeen tieëntaal aan luuj doeadgebleve, worónger e deil hoeag fónksjenaere, wie 't huid van 't leger, de regioprizzendèntj enne regionalen aopenbaren aanklaeger. Einen daag nao de staotsgreep vele bie aanvel op dörper innen aangepäöldje regio Benisjangoel-Goemoez nans tieëntaal aan doeaje, meugelikerwies mieër es 50. De däöjers zote dinkelik in 'tzelvendje kamp es de coupplieëgers.

Zjinneraal Asamnew Tsige, daedet guldj es d'n houfverantjwuuerdelike veure staotsgreep, is d'n aafgeloupe maondig zelf doeadgemaak door veiligheidstroeppe. Intösse zeen bandjopnamen opgedaoke die einen daag veure staotsgreep zeen gemaak wore; hierop is - wie me zaet - zien stum te huuere. In e tillefoeangespraek kunjig de zjinneraal de staotsgreep aan.

Inne naosleip vanne staotsgreep zeen mieër es 250 luuj aangehaje wore.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.