Migrantjekinjer kriege sjoealing euver Limbörg

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 11 mieërt 2020 - Tieën kinjer die oppe Vincent Van Goghsjoeal zitten in Remunj höbbe de lèsten tied sjoealing gekregen euvere Limbörgse spraok en kultuur. Dit waas 'n eige perjèk vanne sjoeal, bedach door lieërerin Etty Willemse-Kemp die ouch zelf de lesse verzoog. Es veurvechterin van al waat van Limbörg is wós zie de lieërlinge te prikkele mit e lessepergram boete de sjoealtied, woraan de kinjer vriewillig mitdieëje.

De lieërerin maakdje zelf 't pergram woveur zie ouch blitse filmkes maakdje euver Limbörgse óngerwerpe. De lesse gaaf 't allein mer in 't plat, zodet de kinjer dees spraok good kóste lieëre verstaon. 't Ieëste wäördje det zie lieërdje waas "sókker", went de lieërerin begós de lesse mit "thieë en sókker".

De kinjer sproke gei plat, wie de meiste migrantje. Meh juus dees kinnis van spraok en kultuur kan neet waere gemis, went zie zóllen 't óm zich haer kóntinu mitkriege. Allewel zie neet aktief 't plat lieërdje spraeke, höbbe zie waal gelieërdj 't tegooj te verstaon. Es aafsloeting van 't pergram hele de kinjer 't prizzentaasje. In twieëtaal bekaldje zie óngerwerpe wie de vastelaovendj, aetes en drinkes, mer ouch toeristeplaatse.

Mitte aafrunjing van 't pergram oppe sjoeal in Remunj haop Etty Willemse-Kemp det 't perjèk ouch doorgank vindj op anger sjoealen in Limbörg. 't Pergram is wie 't is euver te numme. Animo zal hieveur neet óntbraeke; oppe eige sjoeal is de volgendje groep al klaor veure Limbörgse lesse.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.