Miens verlets bie nachtelike metsetrèkkerie in Bingelder

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 27 junie 2021 - Inne nach van zaoterdig op zónjig móste de hulpdeensten oettrèkke nao aanleijing van e veurval van metsetrèkkerie in 't dörpke Bingelder. Dit veurval speeldje zich aaf oppe Dörpsstraot kortbie de kruutsing mitte Kneikoelderwaeg. De meljing daovan koom róndj 00:30 oere aan bie de pliesse.

Bie die metsetrèkkerie is eine miens verlets wore; dae mós gespoje nao 't krankenhoes euvergebrach waere. Twieë luuj gónge flot eweg nao 't veurval, wovan eine flot ingeraekendj kós waere. De gepakdjen is 'nen twintjigjäörige manskaerel oet Broenssem.

M'n is nag ummer 'nt zeuke veuren twieëdje verdachdje. Me zeuk veural in lenjelike stökker gróndj en maak hiebie zowaal gebroek van pliessenhónj es vanne pliessenhelikopter. De metsetrèkkerie haw plaats oppe straot, meh wiejer is nannieks bekandj euvere aanleijing of de raeje van dit veurval.

Brónne[bewirk | brón bewèrke]



Dit artikel besleit aad nuujs.