Miens gestórve nao staekpertie Blieërik

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 8 dieëtsember 2020 - In 'n woonwiek in Blieërik haet dinsdigtemorgen 'n staekpertie plaatsgadj wobie emes gestórven is. De pliesse krege róndj 6:30 'n meljing binnen euver 'n euverval inne Azaleastraot, meh wie die oppe plaats aankome bleek det 'n staekpertie gewaes waas en vónj m'n emes zwaorverlets oppe straot. Deze miens is aan zien verwónjinge gestórve.

De pliessen höbben 't geslach van 't slachoffer neet nao boete gebrach. Ouch is neet prónt bekandj waat zich aafgespeeldj haet en of ouch daodwirkelik spraok gewaes is van 'n euverval. De pliessen höbben hieveur 'n óngerzeuk ingestaldj woveur me de straot aafgezatj haet.

Op Börgernèt haet me besjeid oetgesjik veure verdachdjen op te kónne späöre. Dezen is ómsjreven es 'ne magere manskaerel tösse de 30 en 35 jaor aad. Hae droog zwarte kleier en 'ne zwarte jas mit 'ne zwarte kap. M'n haet naodrökkelik gevraog dem neet zelf aan te spraeken of te genieëke.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.