Mieër es 170 luuj doeadgebleve bie mienramp in Burma
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 4 julie 2020 - Bie 'ne ramp in 'n jaadmien in Phakant, 'n stad in Katsjin in 't naorde van Burma, zeen aldus 't lèste besjeid vanne Burmese brandjwaer mieër es 170 mienwirkers ómgekómme. Ouch zeen zeker 54 luuj verlets wore. De mienwirkers woorte, dewiel zie op zeuk wore nao jaadstein, bedólven ónger 'n diekke laog toter veroearzaak dore zwaore raengeval vanne lèsten tied. E deil luuj wuuert nag ummer vermis. Doordet de zwaore raengeval nag ummer aanhèltj is 't lestig reddingswirkzaamhejen oet te veure. Aldusse pliesse waas door 't noeadwaer van daoveur opgerope nao te gaon wirke, meh m'n haet dao tonneet haer geloesterd.
't Betróffe gebied in Burma is hieël riek aan jaad, mer ouch beröch óm de mienwirkers - die döks erm migrante zeen - reskeren häör laeve dao. Dökker valle dao óngelökke veur, meh det van noe is 't serjeuste vanne gesjiechte in 't landj. Bie e saortgeliek óngelök in november van 2015 bleve mieër es 90 luuj doead; det waas ouch in 'n jaadmien in Katsjin.
Brónne
[bewirk | brón bewèrke]- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Mass burial for scores killed in Myanmar jade mine disaster. Channel NewsAsia, 4 julie 2020
- Meer dan 160 doden bij mijnramp door moddergolf in Myanmar. Algemeen Dagblad, 2 julie 2020
- Myanmar jade mine landslide kills 160. British Broadcasting Corporation, 2 julie 2020
- Myanmar landslide: 90 dead at Kachin jade mine. British Broadcasting Corporation, 3 julie 2020
Dit artikel besleit aad nuujs en maak deil oet van oos arsjief van nuujsberichte.