Mieë wilj verke rónjelóm Leudaal

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


(lagerfoto)

MOFERT - 24 september 2020 - De wildjbehieërsjeinheid van Hunsel haet 't ieëste halfjaor van 2020 al zeve wilj verke kónne sjete, waat twieë kieër zoväöl is es 't ganse jaor daoveur. De verwachtig is det dit jaor nammieë wilj verke gesjaote mótte. De euverlas van verke is namelik 't grótste in 't naojaor.

Veur dit op te vangen haet de gemèndje Leudaal e deil maotregelen aangekónjig. Me wiltj mieë grave gaon mejje wie normaal. Dit zal de wilj verke taengenhajen ómdet zie zich dökker in 't hoeag graas versjoelen ieër zie de meisjveljer en angeren akkergróndj opzeuke. Ouch geit de wildjbehieërsjeinheid nachkiekers gebroeke zodet zie gemekkeliker de wilj verke kónne lokalisere.

Waat veural e perbleem is bie de wilj verken is det väöl luuj die mit hónj wanjele dore versjillendje netuurgebieden inne gemèndje d'n hóndj los laote loupe. M'n haet waal op väöl plaatse sjiljer neergezatj det me d'n hóndj ane reem mót haje, meh det gebeurt neet zat. Losloupendje hónj zeen veural e perbleem, ómdet die de wilj verke kónnen opjage. Wen e wildj verke zich bedreig veultj kan d'r nag waal luuj aanvalle. Daoveur blief de raod vanne gemèndje ane wanjelieërs det zie häör hónj ane reem hajen en ónger 't wanjele väöl klank mótte make. Door klank te blieve make waere de wilj verke neet inèns gestuuerd, went ouch dan kónne die hieël agressief waere.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.