Mieë mèlkgeiten in Limbörg
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 20 november 2020 - Dit jaor is 't aantal aan mèlkgeiten inne pervinsje ómme gans gestege mit 461 bieëster. Daomit is 't aantal opgeloupe toet 43.987 geiten in Limbörg. De meiste geite zitten in Nederlandj aevel in Naord-Braobantj en Gelderlandj die same good zeen veur ruum de hèlf van alle mèlkgeiten in 't landj. In Nederlandj loupe noe zón 476.000 mèlkgeite róndj; 4 perzent mieër es in 2019.
Inne pervinsjes mitte meiste geite - te wete Limbörg, Naord-Braobantj en Gelderlandj - is noe 'n geitenóngerbraeking, waat inhèltj det e verbód geldj veur nuuj geitestalle te boewe. Dees óngerbraeking hèltj aevel neet in det 't verbaojen is mieë geite per bestäöndje stal te haje. Det maak 't meugelik veur boeren óm toch oet te breie, wodoor ouch dit jaor de te verwachte gruj neet oetbleef. De mert veur geitemèlk is namelik noesjiks hieël gunstig gesjik.
De geitenóngerbraeking woort ingeveurd wie oet versjillendje óngerzeuke bleek det ómwonendje van geitenhajeriejen 'n verhuuegdje reskaasjen op lóngónstaeking höbbe.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.