Mieë besjurming Duutsje moskees nao aanslaeg Hanau
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 23 fibberwarie 2020 - Nao de aanslaeg vanne lèste goonsdig op twieë sjiesjakefees inne Duutsje stad Hanau wuuert de besjurming ane Duutsje moskees aangesjerp. Ouch zal mieë pliessebewaking kómme bie treinsstaasjes en lóchhaves. Det lieëtj d'n Duutsje minister van Binnelandjse Zakes, Horst Seehofer, dizvriedig weite.
Bieje aanslaeg zeen gans biejein èllef luuj doeadgebleven, ónger waem ouch d'n däöjer, Tobias Rathjen (42), dae nao de aanslaeg heim zelfmaord plieëgdje. Hie sjoot t'r ouch zien twieënseuventigjäörige mam doead. De anger neuge doeaje kómmen oete kefees wo me waterpiep rouk en zeen allemaol boetelenjers.
Stónderdis saoves komen in versjillige Duutsje stej (worónger Frankfurt en Berlien, naeven Hanau zelf) doezjendje luuj biejein veure aanslaeg te herdinke. "Vandaag is 't memènt worop v'r mótte zègke: v'r staon hie samen es ein samelaeving; v'r laoten ós neet intimideren en weite neet te wieke," aldusse Duutsje prizzendèntj Steinmeier. Bóndjskanzeleer Angela Merkel kaldje van e "vergif van haat en racisme" inne Duutsje samelaeving en zag det al d'raan zal waere gedaon veur achtere próntje toedrach vanne aanslaeg te kómme.
Rathjen hanjeldje dinkelik vanoet racistische en extreemrechse gróndj. Daonaeve leej d'r aan psychoses en achtervölgingswaan. Kort veurdet t'r de aanslaeg dieëj, brach t'r e pamflet oet worin d'r ónger angere pleitj veur 'n "groeate zuvering" van alderhenj aan bevölkingsgroeppe.
Brónne
[bewirk | brón bewèrke]- Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
- Duizenden mensen herdenken slachtoffers aanslag Hanau. RTL Nieuws, 21 fibberwarie 2020
- Opnieuw extreemrechtse terreur in Duitsland: ‘Racisme is gif’. De Morgen, 21 fibberwarie 2020
- Bloedbad Hanau: dader haatte vreemdelingen, alle negen Shishabar-doden hebben migratieachtergrond. Caspar Naber - Algemeen Dagblad, 20 fibberwarie 2020
- Merkel: samenleving geplaagd door gif van haat en racisme. Nederlands Dagblad, 20 fibberwarie 2020
- De denkwereld van de schutter: xenofobie, complotten en waanbeelden. NRC Handelsblad, 20 fibberwarie 2020
- Meer beveiliging bij Duitse moskeeën na terroristische aanslag in Hanau. nu.nl, 21 fibberwarie 2020
Dit artikel besleit aad nuujs en maak deil oet van oos arsjief van nuujsberichte.