Middelieëfse hoezer vónje nao sloop binnestad Remunj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 6 november 2020 - Bie 't slope van e kentoeargeboew ane Lindanusstraot, Hèlge Geisstraot enne Betlehemstraot in Remunj haet me de euverbliefsele van middelieëfse hpezer vónje. Me geit noe bekieke wie de de archeologische vónjste kan behaje.
Ane kantj vanne Lindanusstraot haet me de fónderinge van mindestens zeve middelieëfse hoezer vónje. Hievan zeen de aadste späör die van e vakwerkhoes oete dertieëndjen ieëf, waat 'n oetzunjerlik vónjs vanne ieëste gesjiechte vanne stad is. Oete veer- en vieftieëndje ieëf restere nag e deil moeren en tóngewulver oet melger en vreuge brik. Van dees rwiens kónnen archeologen 't daacheliks laeve vanne historische Remunjenieëren aaflaezen en dees gesjiechtelike plaats wiejer in kaart bringe.
Of de historische kelders nao al de ieëwen óngere gróndj deze boew zóllen euverlaeven is aevel de vraog. Me wiltj häör waal beware, meh me mót daobie raekening haje mitte boewkóndige meugelikheje, de belange vanne toekumstigen eigenieëre enne winse vanne gemèndje mit betrèkking toet 't stadsbeeldj enne veiligheid.
Oppe plaats vanne vónjste stóngen ieërehaer kentoeare. Me geit hie noe achtieën hieërenhoezer en dertieën appartemènte boewe.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.