Meugelikheid kaercentraal Brach mót óngerzeuk waere

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


De Clauscentraal in Brach.

MOFERT - 28 oktoeaber 2020 - Frans Timmermans, de vice-veurzitter vanne Europese Unie, dae ónger anger de verantjwuuerdelikheid druueg veure Greun Aafspraok ("Green Deal"), de verdoerzaming van 't Europees kóntinent, guuef de raod det me mót óngerzeuke waat de köste zeen van 't boewe van ein of mieë kaercentraals in Limbörg. Hae kump hiemit naodet 't Limbörgs Parlemènt de lèste maondj aandróng op 'n óngerzeuk hiehaer.

Det verzeuk kwaam ómdet Limbörg perblemen haet mit 't haole vanne klimaatdoelstèllinge. De pervinsje geit 't neet haole mit allein windj- en zóninnerzjie es alternatief veur fossiel brandjstóffe. Daoveur wiltj de pervinsje dit jaor same mit 't riek gaon bevorsjen of zat ruumdje is veur ein of mieë kaercentraals. Kónkrieët haet me de aaj Clauscentraal in Brach verneump es meugelike plaats.

Timmermans zaet 't al pragmatisch te betrachte, went hae wètj nag good det inne sevetiger jaore de klasjenering euver kaercentraals bao religieus van aard waas gewore. Alllewiel mót me det gewuuen kónnen óngerzeuke. Kaerinnerzjie haet namelik 't groeat veurdeil det 't gènnen oetstoeat bringk, zaet t'r. Waal haet 't e deil zwaor naodeil, went me broek nag ummer gróndjstóffe, waat 't neet doerzaam maak. Wiejer guuef 't kaeraafval det gevieërlik is en wo me tegooj mit óm mót gaon. Elèstens is kaerinnerzjie sjrikkelik duur in vergelieking mit anger alternatieve.

Zuuch ouch[bewirk | brón bewèrke]

Brónne[bewirk | brón bewèrke]



Dit artikel besleit aad nuujs.