Meugelikerwies poejjer vriegekómme bie stuuering Chemelot-febriek
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 5 dieëtsember 2018 - Stinsdigs saoves is 'n stuuering gewaes bie e febriek oppe Chemelot-grunj van SABIC ('t ieëre DSM). Hiebie is meugeliekerwies de stóf polyetheen in poejjervorm vriegekómmen inne ómgaeving. De stuuering zów zich efkes veur 22:30 oere höbbe veurgedaon, worop me 't febriek haet stilgelag.
Wie de stuuering is opgetraojen is 't intern veiligheidsstèlsel in wirking getraoje; hienao is meugelikerwies de polyetheenpoejjer oetgestoeate wore det ómlieëg is gezegen innen ómgaeving. De luuj inne ómgaeving óngervónje hiebie geluidseuverlas.
Polyetheen is in poejjervorm de gróndjstóf veur 't make van plestiekkorrele. De stóf is gewuuenlik witsig, meh kan door verburring ouch zwart zeen gewore. Chemelot haet luuj inne ómgaeving gewaardj dees stóf te óntwieke. Moog me toch ónverhöds is aanraking zeen gekómme daomit, den wuuertj aangeraoje de henj good te doon wasse mit zat water en zeip. Det guldj ouch veur matterjale die bloeat zeen gestaldj woren ane poejjer.
d'n Oearzaak van 't beuren is nag ónbekandj; me haet daoveur 'n vorsjing opgezatj veur dao-achter te kómme waat próntj is passeerdj. Toetten tied det me 't óngerzeuk haet aafgerundj luuetj me 't febriek boete wirking.
Brónne
[bewirk | brón bewèrke]- Storing bij fabriek Chemelot: mogelijk poeder uitgestoten. Job Tiems - 1Limburg, 5 dieëtsember 2018
- Mogelijk poeder in omgeving terecht gekomen na storing op Chemelot. René Puri - De Limburger, 4 dieëtsember 2018
Dit artikel besleit aad nuujs en maak deil oet van oos arsjief van nuujsberichte.