Mestreechtenieëre höbbe minder flot riejbewies es anger Limbörgers
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 24 mieërt 2021 - In vergelieking mit anger Limbörgse gemèndje höbbe de inwoonders van Mestreech minder flot e riejbewies. Ouch in Haerle, Kirkraoj en Vaols höbbe betrèkkelik minder luuj de beveugheid veur wage te vare.
Ómme gansen höbbe zoea 68.000 luuj in Mestreech e riejbewies, waat aankump op róndj de 64% van alle inwoonders vanaaf 18 jaor. Dit is opmirkelik minder es anger gemèndjen in Limbörg. Lenjelik gezeen steit Mestreech innen top-drie, mit Amsterdam en D'n Haag.
Op zich is det neet oetzunjerlik, went lenjelik gezeen höbbe luuj oet grótter stej en pervinsjehoufstad minder noeadzaak veur e riejbewies. Det kump doordet betrèkkelik väöl veurzeningen in zón plaatse te bereike zeen mitte voot of ómdet 't aopenbaar verveur aanzeenlik baeter is es op 't plattelandj. Inne dörper geit döks mer eimel de oer 'n bös en ligken de stopplaatsen ouch wied vanein, wodoor 't höbbe van 'nen auto veur väöl luuj ónmisbaar wuuert. De gemèndje Pieël en Maas, NeejwieËrt, Leudaal en Eisdje-Mergraote, die allemaol plattelandjsgemèndje zeen, ligke danouch baovenaan, mit róndj de 85% vanne inwoonders vanaaf 18 die e riejbewies höbbe.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.