Meppendj raodslid mit veurkäör in raod Ech-Zöstere
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 22 mieërt 2018 - d'n Ómstraeje CDA-er Julien Penders kump mit veurkäörsstummen inne gemèndjeraod van Ech-Zöstere.
d'n Achentwintjigjäörige Penders is twieë kieër veroeardeildj wore veur mishanjeling. In eine vanne twieë zake sloog t'r in 'ne kaffee in Mestreech eine zoea hel oppe kop det 't slechoffer 'n sjeielfraktuur d'raan euverheelj.
Bieje pervinsjaal enne lokaal aafdeiling van 't CDA zaag me gei perbleem inne veroeardeilinge. 't Lenjelik bestuur haw waal meudje d'rmit, meh goof oetèntelik de stried op.
Penders is noe mit veurkäörsstummen inne raod verkaoze, malj CDA-gedippeteerdje Ger Koupmans op L1 TV. Penders kreeg allein al op 't stumburo in Detere zat stumme veur 'n plaats inne gemèndjeraod, aldus Koupmans. De gedippeteerdje haet dao, tróds de twieë veroeardeiling, gei perbleem mit.
"Julien Penders haet getuuendj det t'r 'ne fetsuundelike vent is. Me kan neet emes zie ganse laeve lang blieve naodrage det t'r eine kieër kwaod waas en eine 'ne klap gaaf", aldus Koupmans. "Dae is 'ne nette jóng dae hood zie werk duit in 't vereinigingslaeve."
Dit artikel besleit aad nuujs en maak deil oet van oos arsjief van nuujsberichte.