Meiste nuuj weuninge biegeboewdj in Remunj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 29 jannewarie 2022 - 't Lèste jaor haet m'n in Limbörg zoeaget driedoezjend-viefhóngerd nuujboewweuningen opgeleverd, wovan de meiste, zoea achhóngerd, in Remunj. Anger gemèndjes wo väöl biegeboewdj geworen is zeen Mestreech (503 weuninge), Vindele (362 weuninge), Zitterd-Gelaen (226 weuninge) en Pieël-en-Maas (225 weuninge). 't Minste haet me biegeboewdj in Valkeberg, Baek en Gulpe-Witten.
Wen m'n 't lenjelik betrach haet m'n in Limbörg min biegeboewdj. Inne pervinsjes Naord-Hollandj, Zuud-Hollandj en Naord-Braobantj zeen eder mieë wie tieëndoezjend weuninge geboewdj. In gans Nederlandj hanjeltj 't zich euver neugenensèstigdoezjend nuuj weuninge.
't Kabbenèt wiltj de kómmendje jaoren eder jaor hóngerddoezjend nuuj weuninge boewe veure weuningnoead aan te pakke. Det is 'n hieël ambitieus plan, went sieër 2010 haet me mer ei jaor mieë wie sevetigdoezjend nuuj hoezer geboewdj. Allewiel haet me nag te make mit stikstófperblematiek, beveurraojingsperblemen en 'n algemein tekort aan besjikbare gróndj veur op te boewe.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.