Maximumsnelheid mót ómlieëg taenge stikstóf

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 21 september 2019 - De vreugere minister Johan Remkes haet de raod gegaeven aan 't kabinèt det de vieëstapel mót waere verminderdj enne maximumsnelheid oppe waeg mót waere verlieëg veur zoea get te kónne doon ane stikstófproblematiek. Kómmendje goonsdig zal d'r mit daen raod aankómme same mit 'n eigenopgestaldj kólleesj. Dit kólleesj is speciaal opgezatj wore veur get te doon ane doezjendje boewprojèkte die noe stilligken in Nederlandj.

In Limbörg specefiek haet 't zès plaatse wo de riekseuverheid gein wirkzaamheje kan oetveure dore oetspraok vanne Raod van Staot. Veural in 't verkieër zörg det veur vashangendje zakes, wie 't Vinloër kruutspuntj Zaarderheike, mer ouch de waegverbreijing tösse de kruutspuntje van 't Vóndere bie Sint-Joas en Kaereshei bie Stein.

De hoogste prioriteit bieje raod van Remkes en zie kólleesj ligk bieje besjurming vanne Nederlandjse netuur. De sjaaj dore oetstoeat van stikstóf is de vernaamste raeje det versjillendje boewprojèkte stil zeen kómme te zitte. Remkes beoearbach det veural inne landjboew en in 't verkieër snel get te haole viltj wodoor de boewprojèkte trögk in gang kónne waere gestaldj. Hiebie kan me dinken aan 'n rattekaal inkrumping vanne vieëstapel, veural inne ómgaeving vanne netuurgebieden in Nederlandj. 't Perblieëm van 't vieë is namelik 't vriekómme van ammoniak; in 't verkieër geit 't euver óngezónj stikstófoxide. Dees kan m'n aanpakke dore maximumsnelheid oppe waeg te verlieëge, wodoor d'n oetstoeat drek aafnump.

Boetedet is de raod van Remkes det maotregele mótte waere gemaak in alle sektore, tródsdet veural de landjboew en 't verkieër hel waere geraak. Op korten termien mót 't numme van zölche maotregele zörge det projèkten inne weuningboew, de waegaanlag en anger infrastruktuur toch doorgank vinje. Dit mót den 'n samewirking vanne riekseuverheid enne pervinsjes.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.