Massaal opkóms bie DNA-aafnaampuntjen in Landjgraaf

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 24 fibberwarie 2018 - Bieje aafnaamlokaasjes anen Heigank en Megaland in Landjgraaf höbbe de pliesse saoterdigs extra DNA-straote geäöpendj dore massaal opkóms. Op die plaatse wuuertj wangsliem aafgenómme bie manskaerelen inne zaak ómmen doead van Nicky Verstappe.

De äöpening vanne extra DNA-straote beurdje kort nao d'n aanvank róndj 10:00 oere. Manskaerele mótten 'n bepaoldje roet volge veur häör wangsliem aaf te staon. Bie Megaland is de extra straot intösse nimmieë nuuedig.

Gans biejein zeen momenteel zès aafnaamlokaasjes dao: veer in Landjgraaf, ein lokaasje in Haerlen en ein aafnaampuntj in Heibloom. 21.500 manskaerele zeen opgerope veur häör wangsliem aaf te staon in 't grótste DNA-verwantjsjapsóngerzeuk aller tieje. 't Geit den veural óm manskaerelen oete regio Heibloom, Broensem, Haerlen en Landjgraaf. 't Is veure pliesse enne zjustiesje de litste struuehalm veuren däöjer te vinje.