Manskeël i Gebrook ernstig gewónk geraak noa explosie

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


Heële - De manskeël deë in 'ne verwarde touwsjtank 'n explosie veroerzaakde i zing wuëning i Gebrook is doabei ernstig gewónk geraak. D'r burgermeester Emil Roemer kalt va "behuurlige brankwóng". Mit d'r plieseman, deë óch gewónk raakde bei de explosie, geet 't noe beëter. Volges Roemer is 't toch neet zoeë erg wie gedach, "mar 't blief natoerlig hieël verveëlend".

Roemer begoof zich in de nach van donnesjdig óp vriedig richting de wuëning i Gebrook, i g'n Prins Willemsjtroat. "D'r koam 'n melding binne dat 'ne manskeël i verwarde touwsjtank houw gezag: 'Vuur mich hoof 't neet mieë, ich drieën de gaaskraan oape.' Dan gónt alle alarmbelle tiengele", zag d'r burgemeester van Heële. "V'r hant lang gewach, miensje woeëde geëvacueerd en óch woeëd geprobeerd um contak te kriege mit d'r persoeën i kwestie."

De brankweer hat óch efkes uëverwoge um de gaaskraan i g'n sjtroat touw te drieëne, mer volges 'ne woadveurder brach dat gaar neets mieë. "'t Goof in de wuëning waarsjienlig al gaas en dan bringk 't wieënig mieë um de kraan touw te drieëne." Via de brevebus hat de brankweer nog meëtinge gedoa, vuur zoeëwied dat meugelig woar. "Um te kieke of doa sjproake woar va gaas. Op dat moment kóste ze dat neet ruke of meëte. Vervolges is 't besjloet genoame e team noa binne te sjikke." Bei 't binnevalle van de wuëning óntsjtóng toch 'n explosie, woabei twieë lüj gewónk raakde.

D'r burgermeester wilt wieënig uëver 't motief zage. "I relatiesjfeer is 't een en anger gezag gewoare, mar 't is neet aa mich um doaruëver get te zage."


Brónne[bewirk | brón bewèrke]




Dit artikel besleit nuujs det zich recèntjelik haet aafgespeeldj.