Manskaerel verdrónken in baompöt Heitse

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 7 junie 2022 - Maondigtemiddig is 'nen einentwintjigjäörige manskaerel ómgekómmen in Heitse. Hae waas gevallen in 'n baompöt van 150 bie 150 maeter.

De meljing van 't óngelök koom róndj 14:15 oere aan bie de hulpdeenste. 't Speeldje zich aaf bie de beraengeringspöt Ane Heibloom. Emas kome de hulpdeenste dao en me reep ouch 'nen traumahelikopter op. 't Waardje 'n duukteam zoea viefenvieërtig menuut veur 't liek van 't slachoffer oet 't water te haole.

Van 't slachoffer wuuert gezag det 't 'ne Remeen waas dae neet kós zwumme. Hae waas dao mit e jónk vrouwmis veur te vèsse. Wie d'r in 't water gekómmen is, is neet bekandj. De pliessen höbben 'n óngerzeuk ingestèldj, meh me geit oet van 'n óngelök.

Brónne[bewirk | brón bewèrke]



Dit artikel besleit nuujs det zich recèntjelik haet aafgespeeldj.