Manskaerel in lektrikrolstool geredj oete graaf bie Wieërt
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 31 jannewarie 2021 - Zaoterdigtenaovendj mós de brandjwaer in Wieërt oettrèkke veur 'ne manskaerel dae in ziene lektrikrolstool inne graaf langs de waeg terechgekómme woor. 't Veurval speeldje zich aaf róndj 18:20 oere oppe Diekerstraot bie Wieërt.
De manskaerel wós mit ziene lektrikrolstool neet oppe waeg te blieve worop t'r inne graaf daonaeve injigdje. De brandjwaer waerdje opgerope veure manskaerel te bevriejen oet 't gaat. Det höbbe zie gedaon mit 'n speciaal saort touw. Daorop waerdje de manskaerel op 'n wirvelplank gelag en euvergedragen aan 't persenieël vanne krankewage.
De men vanne krankewage stoke de manskaerel ónger werm daekes worop t'r nao 't krankegestich gebrach woort. De pliessen höbbe de rolstool mitgenómme nao 't pliessebero.
Brónne[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.