Manskaerel deneergestaoke bie zörgcentrum Maersje wie óngerwaeges heives

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 3 oktoeaber 2018 - In Maersje is gisteraovendj 'nen euverval gewaes wobie 'ne manskaerel deneer is gestaoke gewaore. De pliesse zeuke nag getuge van 't gebeure. Róndj 22:40 oere woort de manskaerel aangevallen inne ómgaeving van 't zörgcentrum Beukeloord, bie 't Gashoesplantsoen. 't Is nanneet bekandj of dao einen of mieëdere däöjers bie zeen gemeudj.

De deneergestaoke manskaerel waas juus op bezeuk gewaes bie zie vader in 't betróch zö9rgcentrum. Getuge zoge dem op heim aan loupe t'r huuegdje van 't Gashoesplantsoen wie d'r woort euvervallen en verlets. Nao d'n aanval is de gewónje miens haevig-blojendj trögkgegange nao 't zörgcentrum en haet dao hölp gevraog. Daorop is t'r mitte krankewage nao 't krankenhoes gebrach. Wie de aerd vanne verwunjinge zeen en ouch wie 't mitte miens geit, wo nag geine laeftied van bekandj is, is nag ónbekandj.

De pliesse höbbe noe e technisch óngerzeuk ingestaldj en ouch róndjgevraog inne ómgaeving. Dao-oet mót blieke waat próntj is gebeurdj en waat de waegraejene zeen gewaes vanne däöjer of däöjers. Vanne plaats wo de manskaerel woort aangevalle toetaan 't zörgcentrum löp e bloodspaor van e paar hóngerd maeter. 'ne Getuug haet gemaldj det oppe gehendikepteparkingplaats 'ne roeajen Audi sting mitte moeater drejjendj.

Brónne[bewirk | brón bewèrke]



Dit artikel besleit aad nuujs en maak deil oet van oos arsjief van nuujsberichte.