Man doed nao explosie e-sigrèt

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich



Dit artikel sjteit gesjreve in 't AGL
E-sigrèt mit duuske

17 mei 2018 - 'ne Man oet Florida is dees maond gesjtorve naodet zien e-sigrèt is óntplof, bliek oet 'n autopsie. In de Vereinigde Sjtaote is hae officieel d'n ierste persoen dae is gesjtorve door 't rouke van e-sigrètte.

Tallmadge D'Elia - 38 jaor aud - is de naam van 't sjlachoffer. Hae is toch neet d'n ierste mins van waem de e-sigrèt is geëxplodeerd. In de Vereinigde Sjtaote allein zeen al 133 gewónje gevalle door 't in brandj vlege van 'n e-sigrèt, woevan 38 zjwaorgewóndj. 't Sjlachoffer waerde door hölpdeenste gevónje in zien sjlaopkamer. Zie lichaam waas veur 80 procent verbrandj en in ziene huidsjaal zeen sjtökker van de e-sigrèt gevónje. Hie-op sjtóng 't logo van 't merk Smok-E Moutain. Dènkelik is de raeje van 't óntploffe in de batterie te vènje. Batterieje höbbe 'n ómhölsel, det nao verloup van tied sjliet. Zoe haet 'ne Belsj de sjrik van zie laeve gehad wienie 'n batterie van 'n e-sigrèt, die hae in zien bóksetesj droog, vlam vatde. Ouch kan 't aanpasse van batterieje, veur de prestaties te verbaetere - ouch waal modding geneump - leije tót gevierlike situaties.

De fabrikant van de e-sigrèt die dees maond is óntplof verklaorde det 't betreffende type 'n mechanische sigrèt waas. Dees is neet bedoeld veur minse die gein ervaring höbbe mit anger e-sigrètte. Dao zit gein beveiliging op de sjtroumtoeveur van de verdamper, woe de vleujsjtof in zit. Hiedoor vörmp dees sigrèt 'n risico veur de beginneling, dae nog gein ervaring haet mit e-sigrètte.


Brónne[bewirk | brón bewèrke]



Dit artikel besleit aad nuujs.