Maedje (15) oet Brach gestorve nao ernstig óngelök
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 10 mieërt 2018 - Bie 'n óngelök in Ech is inne nach van vriedig op zaoterdig e vieftieënjäörig maedje oet Brach óm 't laeve gekómme. E veertieënjäörige maedje oet Ech raakdje zwaor verlets.
Róndj 00:30 oere raakdje de wage vanne waeg en boetsdje taengen 'ne boum. Dit beurdje ane Breulderwaeg.
't Vieftieënjäörig maedje det oppe achterbank zaat storf aan zien verwónjinge oppe plaats wo 't ónval beurdje. 't Maedje naeven 'm waas e veertieënjäörig maedje oet Ech. Det is mit ernstige verwónjinge nao 't krankenhoes in Mestreech gebrach wore. Naeve de neugenentwintjigjäörige bestuurder zaat nag e vieftieënjäörig maedje oet Ech. Det is juus wie de bestuurder mitte krankewage nao 't krankenhoes in Gelaen gebrach wore. Zie zeen bei t'r observaasje opgenómme.
Dao zów gein spraok zeen van alkoholgebroek dore bestuurder. De pliesse óngerzeuke de oearzaak vanne aanriejing. Op dit memènt is nag óndudelik wodoor de wage vanne waeg raakdje.