Maas duit waat t'r wiltj: grens dreig te versjuve

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 23 mei 2018 - De grens tösse Nederlandj en 't Belsj dreig zich get te versjuve noedet de Maas 't grindjeilandj t'r huuegdje van Maersj haet doorsneje.

De bedoeling is det de reveer in 't gebied zienen eige loup moog keze, meh noe mót t'r toch waere beteugeldj.

De kómpjoetermodèlle hawwen 't tegooj beraekendj bieje start van 't Grensmaasprojèk, meh de Maas hèltj zich neet ummer dao-aan en duit gewuuen waat t'r wiltj.

Aafgespraoken is det de rieksgrens tösse Nederlandj en 't Belsj 't deepste puntj vanne bèdding völg. Det is noe de aaj wintjerbèdding, meh doordet de Maas de bóch bie Maersj haet aafgesneje, zów 't kónne zeen det dao de deepste bèdding óntsteit. Den zal e deil van 't grindjeilandj det de reveer haet doorsneje bie 't Belsj gaon huuere.

Daoveur mót dus 't gaat waere toegemaak enne aaj wintjerbèdding in ieër waeren herstaldj. De alderwichtigste raejen veur det te doon is aevel de verdruueging oppe Belzje kantj. 't Gróndjwaterpiel zak dao, ómdet inne wintjerbèdding nag koum water struimp inne zomer.

't Consortium geit vanaaf dinsdig twieëdoezjend tón aan maaskeie plaatsen inne reveer, womit 't zomerbèd vanne Maas bie Maersj herstaldj zów mótte waere. Die aanpassinge zólle zoea twieë waeken in beslaag numme.



Dit artikel besleit aad nuujs.