Mönsterkirk in Remunj geit eige beer broewe
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 23 oktoeaber 2019 - Mit 't achhóngerdjäörig bestaon vanne Mönsterkirk in Remunj geit m'n e speciaal Mönsterabdiebeer broewe t'r ieër van 't jubileum. 't Is 'n extra bekruuening veur 't bisdóm, went in 2020 höbbe zie in Remunj ol 't meziekspektakel The Passion.
Inne broewerie in Wieërt duit me goonsdigmiddig de ieëste doezjendj lieter van 't traditioneel abdiebeer broewe. 't Wuuertj e duuster dóbbelbeer det zwaor ligk. Hiemit völg m'n inne vootstege vanne trappiste. Det is 'n bewóste kuues; veurdet de Franse de kloeastergengers hawwe verjaag zoten inne Mönsterkirk namelik de cisterciënzers. de gróndjlègkers vanne trappistenorde. De aaj abdie haw namelik e broewhoes, det me broekdje veur eige verzening. 't Drinkwater waas ónbetroewbaart in daen tied, wodoor me beer en wien mós nöttige veur gezóndj te blieve.
Mit 't broewe van 't beer op goonsdig is m'n aevel pas juus begós. Daorop mót 't beer namelik ieës veur veer waeke lang naogeesten oppe fles, worop 't nans veur drie waeke lang mót ligke. Me verwach de ieëste flesjkes halverwaeges van dieëtsember oppe mert te kónne bringe.
De opbrings van 't abdiebeer wiltj de kirk gaon broeke veur 't organisere van e verbinjendj aopelóchgebeure mit meziekgezèlsjappen op 't Mönsterplein.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.