Luuj deneergestaoken in Zuud-Lónje

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

---

De plaats wo 't staekincidènt plaats haw.

MOFERT - 4 fibberwarie 2020 - In 'n winkelstraot in Streatham, 'n wiek in 't zuje van Lónje, haet sónjissmiddis róndj 14:00 oere 'nen twintjigjäörige manskaerel twieë luuj deneergestaoke mit e kapmets. De slachoffers zeen e fietsjendj vrouwmis die inne rögk gestaoken is woren en 'ne veurbiegenger dae inne boek gestaoken is wore. d'n Däöjer woort hierop dore pliesse deneergesjaote veur 'n appetieëk, worop t'r flót stórf ane verwunjinge.

De Lónje pliessen höbbe gezag det 't is veurgevallen oet terroristische motieve. d'n Däöjer woort op 22 jannewarie vriegelaoten oet 't gevank, naodet t'r de hèlf van 'n gevangsstraof van drie jaor haw oetgezaete. Hae waas veroeardeildj woren óm terräöraktiviteiten en 't verspreie van extremistisch matterjaal. De pliesse kósten 'm flót deneerhaole doordet t'r nag ónger toezich stóng vanne euverheid, went me haw sjrump det t'r nannen aanslaag zów plieëge.

Brónne

• Dit artikel is gooddeils gegrundj op dan euvergezatj vanoeten taengenhenger oppe Nederlandjse Wikinuujs (versielink).
  • Londense politie schiet terrorist dood. de Volkskrant, 2 fibberwarie 2020
  • London stabbing attacker recently released from prison over extremist material. CNN, 3 fibberwarie 2020

---

Dit artikel besleit aad nuujs en maak deil oet van oos arsjief van nuujsberichte.