Limburgse Wikipedia/Veldeke

Van Wikinuujs

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


zóndig, september 25, 2011


De Limburgse Wikipedia is weer wiejer aan 't gaon mit 't creëre van kwaliteitsartikele. Ein vanne recènste artikele is det euver Berbertaole. De Limburgse editie van dees online encyclopedie steit d'r óm bekind det 't zich veurnamelik focus op 't make van kwaliteit in plaats van kwantiteit. Hiedoor is d'r nag väöl ruumde veur luuj die nag get wille sjrieve euver óngerwerpe die nag neet aan bod gekómme zeen.

De Limburgstalige editie is al e paar jaor aad en op dit moment geuf 't al zevedoezjend pagina's en det kump veurnamelik dore groete inzat van väöl gebroekers die oere - soms daag - gespendeerd höbbe veur óngerzeuk en oettype. Wiejer is de hoege maote van streekgebónje artikele ouch get interessants. Zo vintj me nörges op 'ne wiki zoväöl informatie euver Limburgse dialecte, plaatse, luuj of gebroeke es op de Limburgse Wikipedia.

De wiki weurt gekinmerk door e hel antivandale beleid. Vandale det zeen gebroekers die d'r lol in vinjen óm 't werk van anger gebroekers kepót te make. Net wie op anger Wikimedia wiki's (de Wikimedia Foundation is 't euverkoepelend geheel wo de Limburgse Wikipedia en alle anger Wikipedia's óngerdeil van zeen) haet me gein good waord euver veur dees gebroekers. Kwatsj weurt weggehaold, vernielinge waere trökgedrejd en de IP-adresse of gebroekers die hie verantjweurdelik veur zeen waere zónger pardon geblokkeerd.

Zo is dus te zeen det d'r naeve 'n website euver de lokale sjeetvereniging, twitter, facebook en de Nederlands- en Ingelstalige Wikipedia, nag väöl mier sjoens te vinjen is op 't internet. En ein vanne päörelkes is zeker de Limburgse Wikipedia, wo kwaliteit en originaliteit veur kwantiteit geit.