Limburgse Letteren Online geit van startj bie de Universiteit van Mestreech

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich

Ane Universiteit Maastricht (UM) geit 't perjek ‘Limburgse Letteren Online’ van startj ónger auspicië van biezönjer hoeaglieërer ‘Taalcultuur in Limburg’ Leonie Cornips. De anger initiatiefnömmers zint Joep Leerssen (Universiteit van Amsterdam), Wiel Kusters (UM) en René van Stipriaan vanne Digitale Bibliotheek voor de Nederlandse Letteren (DBNL). 't Doel is óm de Limbörgse lètterkóndige gesjiechte en literair cultureel èrfgood vas te lègken en zichbaar te make. Det gebäörtj binnen e speciaal ‘Limburg-portaal’ vanne DBNL. 't Perjek kan raekenen op 'n subsidie veur ei jaor van 25.000 euro dórche Provincie Limburg.

't Letteren Overleg Limburg óngerstäöntj 't 'Limburgse Letteren Online'-perjek en de Universiteit Maastricht geit es kerretrèkker same mit 'n wirkgroep 't perjek oetveure. De wirkgroep besteit oet Ben van Melick, Ine Sijben, Harrie Leenders en Peter Winkels (leie vanne Commissie Literatuurgeschiedenis, ingestèldj dórch Limburgs Geschied- en Oudheidkundig Genootschap, LGOG) en houfredactäör Lou Spronck. Mit dit perjek wuuertj binne de DBNL e 'Limburg-portaal' gerealiseerdj. Dórch middel van de väöl literaie publicaties die dórche ieëve häör toet standj zeen gekómme wuuertj hiemit de lètterkóndige gesjiechte van Limbörg zichbaar gemaak. 't Betröf zoewaal publicaties in 't Nederlands es in 't dialek. 't Portaol zal 'nen online 'showcase' beje veur de rieke literair biedrages en biezönjer situatie van de Limbörgse lèttere binne de Nederlandse lèttere.

Naeven 'n stèrke cultureel profilering van oze provincie buudj 't portaol 'ne lieëgdörepeligen toegank toet 't (mieëtalig) literair cultureel èrfgood op 't gebied van ónger anger verhaolendje proza, lyriek en väöl anger genres worónger operettes, carnavalsconferences en leedcultuur. 't Perjek wiltj ouch 'ne stevigen impuls gaeven ane dialoog euver taal en literatuur in Limbörg.

Brón

Geplóg vanne Veldeke-site op 26 fibberwarie 2012. Alle rèchte veurbehaje.

Dit artikel besleit aad nuujs en maak deil oet van oos arsjief van nuujsberichte.