Limbörgse baevers waere neet oetgezatj in Ingelandj

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


(lagerfoto)

MOFERT - 19 november 2018 - 't Oetzètte van baevers oet Limbörg in 't Vereinig Keuninkriek zal geinen doorgank vinje. De bieëster moge vanne Britse euverheid neet waeren oetgezatj, ómdet zie hie vosselintjworm mit zich mitdrage. Baevers kónne gashieër zeen veur dit óngeciefer, mer ómdet det nanneet veurkump in Groeat-Brittannië wille zie neet det die waeren introduceerdj mit 't oetzètte vanne baevers oet Limbörg.

De coördinator vanne baeverbevölking in Nederlandj, ARK Natuurontwikkeling, vindj 't jaomer det de Britte dit besloet höbbe genómme. Al veur 'n haafjaor trögk is me begós mit 't plenne van 't euverzètte van inkel baeverfemielje. De verhoezing zelf sting op 't puntj te beginne. ARK zaet det de quarantaineperiood mieër es zat is gewaes veur besmetting te verkómme.

De organisaasje hej blie geaes mit 't ewegbringe vanne baevers, went v'r höbben 's hie in Limbörg dao te väöl van. 't Bieës haet zich hie zoea good doorgeplantj det euverlas óntsteit. Zoea knaag 't aan dammen en dieken en óngergruuef 't ouch fónderinge. Ieëre haw me daoveur de baever zwaor gejage gadj toetdet t'r in Nederlandj oetstorf in 1826. In 1988 haet me begós mitte herintroduksje en noe is 't bieës besjirmp.

't Aafgeloupe veurjaor haet me in Limbörg vieftieën baevers aafgesjaote. Wiel de verhoezing noe neet doorgeit, zal me nammieë bieëster mótte kepótsjete. ARK haop det anger Europese lenjer zich melje veure baevers toch euver te numme.

Brónne[bewirk | brón bewèrke]



Dit artikel besleit aad nuujs.