Limbörgse Marokkaan krieg veer jaor cel taengen 'm geisj veur deilnaam IS
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 31 julie 2020 - Dónderdig haet 't Aopenbaar Ministerie 'n gevangsstraof mitten doer van veer jaor geisj taengen 'nen achentwintjigjäörige Limbörger. Dae wuuert verdach van deilnaam ane terroristische organisaasje d'n Islamitische Staot (IS). Wiejer zów d'r luuj opgejets höbbe veur terrorisme te bedrieven en mit höbbe gewirk ane traening toet terroris. De manskaerel is in julie 2019 opgepak woren in Mestreech. Hae is gebaoren in Limbörg, mer haet de Nederlandjse enne Marokkaanse nasjenaliteit.
De manskaerel haw e deil knalen oppe sociaal media ónger zie behieër wo d'r zjihadistische en geweldjverhieërlikendje ideeje dieëj verspreie, ónger anger op 't knaal Greenb1rds op Telegram. Daobie versjikdje d'r handjleijingen euver wie me luuj de kop aaf mót houwen en euver wie me waopes en bómme mót make. Es lèstes reep t'r nag op veur 'nen islamitische geiselik in Canada te vermaorde.
Door dees knalen oppe sociaal media en mitte kóntakte die d'r haw speeldje d'r e wichtig aandeil inne propaganda vanne Islamitische Staot. De terroristische organisaasje is in 't Midden-Oeaste wied trögkgedrónge, wodoor zie noe 'n nuuj strategie aanhaje. Det is veur luuj euvere ganse werreld werm te make terroristische misdriever te plege.
't Gerich zal op 13 augustus de oetspraok doon.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.