Limbörgs ikoean en buuttereedner Pjaer Knuips (80) gehieëmeldj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
_-_Pierre_Cnoops.jpg)
MOFERT - 1 dieëtsember 2018 - 't Limbörgs ikoean enne bekandjste veurdrachskónstenieër Pjaer Knuips (Pierre Cnoops) is saoterdigs smörges ónverhöds gehieëmeldj. De kemieker is tachentig jaor gewore. Det woort gemaldj dore femielje vanne buuttereedner oet Brach-Baek. Knuips haw al veur inkel waeke trögk aangekóndig oet te wille sjeie mit zien optraejes. Die sjaws die nag stinge zów hae den nag aafmake. Hae zów deze vastelaovendj aafsloeten oppe Ruiver.
Knuips is zien werkkarrejaer begós es posboeaj, meh góng al rasj oppe buun staon. Det haet hae veur zoea 58 jaor lang gedaon. Veural inne jaore seventig en tachentig maakdje hae zelfs lenjelik furore. In Limbörg braak hae al in 1962 door doe d'r d'n ieëste winner woort vanne Groeat Limbörgse Buuttekampjoensjappe; dees haet hae drie kieër gewónne. Vanoet dao kwaam hae terech biejen tillevies, ónger anger bie Willem Duys en Mies Bouwman.
Knuips is verneump woren es 'nen ieërebörger van Brach en haet dao ouch veur jaore lang inne gemèndjeraod gezaete.
Brónne
[bewirk | brón bewèrke]- Buuttereedner Pierre Cnoops (80) overleden. Lody Trepels - 1Limburg, 1 dieëtsember 2018
- Buuttereedner Pierre Cnoops (80) overleden. De Limburger, 1 dieëtsember 2018
- Carnavalsconferencier Pierre Cnoops overleden. De Telegraaf, 1 dieëtsember 2018
Dit artikel besleit aad nuujs en maak deil oet van oos arsjief van nuujsberichte.