Limbörgs beer bekruuendj tiejes World Beer Cup in Nashville

Van Wikinuujs
Naar navigatie springen Naar zoeken springen

Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich


MOFERT - 4 mei 2018 - Twieë saorte beer oet Limbörg zeen tiejes de Olumpische Spele van 't beer inne prieze gevallen in 't Amerikaans Nashville.

Hertog Jan Grand Prestige wón góld inne categorie "Belgian-Style Dark Strong Ale".

Mieë Limbörgs succes waas te vieren in Nashville. Ouch de broewerie Linjeboum oet Naer naam 'ne medaalje mit heim nao de World Beer Cup. Linjeboum wón zèlver inne categorie "Belgian-Style Blond Ale" mit Goevernäör Blóndj.

't Kroeansieraod vanne Arcener broewerie woort dit jaor veuren derdje kieër bekruuendj oppe World Beer Cup. In 2012 wón 't gaestenaat bróns. Twieë jaor later pakdje Grand Prestige ouch al góld.

In Arce zeen ze blie mitte beerpries. "'t Is geweldig det zonne groeaten internasjenale beerpries wuuertj toegekandj aan zon klein broewerie oet Limbörg", zaet de meisterbroewer Gerard vanne Brook.

In Nashville woorte dit jaor waal 8234 saorte beer beoeardeildj oet 2515 versjillige broeweriejen oet zèsensèstig lenjer.



Dit artikel besleit aad nuujs.