Limbörgers höbbe min troew in gemèndjepolitiek
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 28 fibberwarie 2018 - Limbörgers höbbe min troew inne gemèndjepolitiek.
Det bliek oet 'n óngerzeuk van L1 in samewirking mitte NOS, woraan 2300 mitdieëje.
Limbörgers gaeve gemiddeldj 'n 4,7 wen ze 'n score veur häören troew inne gemèndjepolitiek mótten aangaeve. Det is ruum e percentpuntj leger es 't lenjelik gemiddeldje. Van al de Nederlandjse pervinsjes scoortj Limbörg 't leegste op 't puntj van troew inne gemèndjepolitiek.
Vanne Limbörgse gemèndje score Maersje (3,4), Broensem (3,7) en Vinlo (3,8) 't leegste. De score kan te make höbbe mit 'n aantaal aan affaires. In Maersjen en Broensem zeen de politieke verhajingen al jaore hieël slech; Vinlo kreeg dit jaor te make mit miljoenetekorten inne zörg en perbleme mit parkeergraasjes.
Baek noteertj mit 6,1 de hoogste score inne Limbörgse gemèndje wovan gnóg inweuners mitdieëjen aan 't peblieksóngerzeuk.
Limbörgers vinje waal det ze zat oppe huuegdje zeen vanne gemèndjepolitiek. De respondantjen ane ankaet gaeven 'n 6,0 veur kènnis vanne lokaal politiek.
Wen Limbörgers waere gevraog nao de prioriteiten inne gemèndjepolitiek, den wuuertj d'n aanpak vanne emtelike burokrasie 't meiste geneump (29,7 percent). Ouch veiligheid (18,9 percent), ermood (17,8 procent) en lokaal belastinge (16,1) scoordjen hoeag. In vergliek mit anger Nederlandjse gemèndje scoortj duurzaamheid opvallendj leger inne urgensjelies vanne Limbörgse deilnummers ane ankaet.
Oppe vraog wo häör gemèndjen in oetblinke blieke Limbörgers boetenal tevreje te zeen euvere aafvalingaring (21,5 percent) en greun inne buurt (20,4 percent). Ouch euvere sportmeugelikhejen en kultureel verzeninge zeen Limbörgese deilnummers ane ankaet tevreje.
Dit artikel besleit aad nuujs en maak deil oet van oos arsjief van nuujsberichte.