Limbörg krieg veuren ieëste de begroeating neet róndj
Veurblaad - Lètste verangeringe, Willekäörige pazjena, Veur pagina's in, Alle artikele - De Kaffee, Zandjbak, Hölp, Spellingshölp - Nuujseuverzich
MOFERT - 15 mei 2020 - De begroeating vanne pervinsje zal 't kómmendj jaor veuren ieëste kieër inne gesjiechte e tekort kriege; det wuuert gesjatj op 1,7 miljoen, waat op geit loupe toet bao 2,8 miljoen in 2022. Vanaaf 2023 verwach me det de begroeating weer good wuuert.
't Tekort vèltj veur e good deil te verklaoren oete legere dividendoetkieëring vanne nètwerkbehieërder Enexis, waat van zèstieën nao twellef miljoen is gezak. Dit kump doordet me mót investere veur mieë windj- en zóninnerzjie.
Ouch speeltj 't opvange vanne klappe dore coronacrisis 'n rol. Me geit verflotj tösse de 100 en 260 miljoen investeren in infrastructuur, 't promote van 't fietsjen en 't aopenbaar verveur. Waal krieg me subsiedjes vanoet Europa veur projekte die euvere päöl haer reike. Hievan broek m'n e deil veur 'n toeristische kampanj van Limbörg, ouch gerich op Belsj en Pruses.
Ieëre dizwaek bleek al det me 1,7 miljoen oettrèk veure kultuur de coronacrisis haer te kriege. Wiejer rizzerveert me 74 miljoen daobie veur 't Limbörgs Innerzjiefonds, woroet lieëninge verstrèk waere veur doerzaam projekte.
Es lèste raeje vanne krump vanne begroeating gelje de leger rintje-opbringsten en dalendje inkumsten oete moeatervaartuugbelasting. Det kump doordet 't tarief in Limbörg al veur jaore lang bevraoren is, dewiel lektrikwages in eder val toet 2024 gein belasting hove te betale. Laot 't noe net dees lektrikwages zeen die 'nen opmars 'nt make zeen, wodoor de pervinsje väöl inkumste mislöp.
Brónne
[bewirk | brón bewèrke]
Dit artikel besleit aad nuujs en maak deil oet van oos arsjief van nuujsberichte.