Liek in veldj bie Baek is vermisde manskaerel
- Dit artikel sjteit gesjreve in 't AGL.
't Liek det zaoterdig 21 augustus woort gevónje in e weilandj anen Hoortwaeg bie Baek, is 't lichaam vanne 46-jäörige Paul Erkens oet Baek. Hae waor saer 30 mei 2021 vermis oet zeen woenplaats.
't Geuf veuresnog gein aanwiezinge det Erkens door e misdrief óm 't laeve is gekómme, aldusse pelissie.
Oet forensisch en tactisch óngerzeuk is gebleke det 't liek 'ne langeren tied oppe vindjplaats haet gelaege.